''اصحوا يا عالم وكفاية نوم سرقوا وطنكم فى عز النوم''

''اصحوا يا عالم وكفاية نوم سرقوا وطنكم فى عز النوم''

ناح النواح و النواحة
على بقرة حاحا النطاحة
و البقرة حلوب .. تحلب قنطار 
لكن مسلوب .. من أهل الدار
و الدار بصحاب .. و حداشر باب
غير السراديب .. و بحور الديب
و غيلان الدار .. واقفين زنهار
و ف يوم معلوم ... عملوها الروم
زقوا الترباس ... هِربوا الحراس
دخلوا الخواجات .. شفطوا اللبنات
و البقرة تنادي .. و تقول يا ولادي
و ولاد الشوم ... رايحين ف النوم
البقرة انقهرت .. من القهر انصهرت
وقعت بالبير .. سألوا النواطير
طب وقعت ليه ..؟
وقعت من الخوف
و الخوف يجي ليه .. ؟
من عدم الشوف
و قعت م الجوع و م الراحة
البقرة السمرا النطاحة
ناحت مواويل النواحة
على حاحا و على بقرة حاحا.
.
احمد فؤاد نجم