https://www.facebook.com/aladl35/photos/a.120554961393124/2385518101563454/?type=3&theater
الحكاية مش حكاية قصور ... الحكاية حكاية شعب يعيش فى القبور
نشرت منظمة العدل والتنمية لحقوق الانسان. بيان على صفحتها بالفيس بوك. اليوم الخميس 19 سبتمبر 2019. كما هو مبين في رابط الصفحة المرفق. وجاء البيان على الوجة التالى:
''الحكايه يا ريس مش حكاية قصور رئاسيه ، مش فارقه معانا تبني ولا متبنيش .. دي حاجه ترجعلك ، احنا أخرتنا نتفرج عليها من بعيد .. القصور دي مش لينا ، ولا بتاعتنا .. مش ده اللي شاغل بالنا ولا ده اللي يهمنا .. احنا بس عايزين نعرف هنعيش عيشه حلوه امتي ؟! ، مش عايزين نعيش ف قصور احنا كمان لأ .. بس عايزين نعيش ف بيوت أدميه .. بيوت عاديه .. انت عارف يا ريس الواحد مننا دلوقتي بيعمل ايه علشان يجيب شقه يتجوز فيها ؟! .. طيب عارف أسعار الشقق وصلت كام ؟! .. طيب عارف المرتبات أد ايه ؟! .. طيب حد قالك مصاريف الأكل والشرب واللبس ف مصر بقيوا أد ايه ؟! .. ده احنا حتي لما بنتعب مبنلاقيش علاج ، والمستشفيات مبتفتحش ابوابها غير للي معاه .. واللي معهوش ميلزموش .. ميلزموش يعيش ولا يفضل .. طيب خدت بالك م المدارس وشفت التعليم وصل لايه ؟! .. طيب مشيت ف الشوارع وجربت الزحمه والعشوائيه والبلطجه ؟! .. الناس ف كرب وشكوتها لله ، والشوارع بتغلي من الأسعار وقلة الحيله .. لو قالولك ان كل حاجه بقيت زي الفل يبقي بيكدبوا عليك يا ريس .. لو قالولك ان شباب مصر هما اللي انت بتشوفهم ف كل مؤتمراتك يبقي اللي معاك كدابين يا كبير ، مش هما دول شباب مصر .. انزل الشارع وتعالى المنيا وملوى عندى واتفرج وشوف الشباب .. هتلاقيهم مطحونين وتعبانين وشقيانين ومتعشمين ف أي نقطة أمل .. عايزين بس يعيشوا زيهم زي غيرهم .. وميجيش عليهم يوم يمدوا ايديهم لحد ..
الحكايه مش حكاية قصور يا ريس ،
الحكايه حكاية شعب لم يجد من يحنو عليه''.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.