الشبكة المصرية لحقوق الانسان
وفاة مواطن داخل قسم شرطة الخليفة نتيجة التعذيب
الوفاة جاءات بعد ايام قليلة من القبض عليه وحجزه داخل قسم شرطة الخليفة بالقاهرة
وكانت احدى اقارب الشاب المتوفى قد ذكرت وقالت "
محمود ابن خالتي شاب عنده ٢٦ سنه خدوه الظباط من ايد والدته في الشارع بلا سبب وعملوله محضر تلفيق في قسم الخليفة
ومنعو عنه الزيارة من يوم الخميس لا تشوفه ولا تدخله اكل بحجه انه عمل مشكله في الحجز ف حطوه في حبس انفرادي تأديب ليه
المفروض كان طالع النهارده النيابة المحامي جه وهو مجاش والقسم انكر ان في جواب بأسمه انه يطلع
بعتنا حد من العيلة يسأل في القسم ف اتصلت قالت لمامته تيجي هي وباباه القسم لمحمود عايز يشوفكم
عشان تروح خالتو القسم تتفاجئ ان محمود م*يت !!!
في حين ان القسم في البداية انكرو وقالو تعبان شوية لحد ما هي فضلت تتحايل عليهم يبلغوها لو في حاجه قالولها البقاء لله
وكانو مصممين يخلو خالتو تمضي وتستلم الجثه بتبرير ان اكرام الميت دفنه وهي رفضت تستلم الجثه وطلبت تشريحها
عشان يتفاجئ اللي دخل المشرحة يبص عليه من العائلة انه م*تعذب لحد ما م*ات
ودا واضح وضوح الشمس في الفيديو من قبل اي تقرير وما خفي كان اعظم
وجدير بالذكر انها مش الواقعه الاولى للقسم في نفس الشهر
وتم تهديد المساجين وذويهم عشان النيابة طلبتهم للشهادة "
وجارى توثيق ملابسات القبض عليه و وفاته
وكانت الشبكة المصرية قد رصدت خلال السنوات الماضية العديد من حالات الوفيات لمواطنين داخل السجون واقسام الشرطة المختلفة المنتشرة بأنحاء الجمهورية دون محاسبة مما ادى الى شيوع سياسة الافلات من العقاب فى ظل تواطؤ واضح للنيابة العامة فى الرقابة والتفتيش على اماكن الاحتجاز المختلفة
الشبكة المصرية توًكد ان سياسة الافلات من العقاب تودى الى مزيد من سقوط ضحايا وانتشار العنف داخل المجتمع المصرى
رابط التقرير
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.