الناس دي لازم تتحاسب هي كمان…
- رئيس المباحث، اللي بعد ما كان بيستجوب الطفل في أوضه لوحده هو والمتهم، واللي حاول يضغط على الأهل يتنازلوا
واللي مكنش راضي يعمل تحرياته، واللي فضل سايب الأب مرمي على باب مكتبه أكتر من ٨ ساعات ،،، ورغم إن الأب إنهار وقعد يعيط ويقول عايز حق إبني متحركش ولا لحظة…
وكيل وزارة التربية والتعليم، اللي قفل الباب في وش الأهل ومعملش ليهم حاجة
رئيس النيابة اللي حفظ الموضوع، كأنه محصلش بسبب عدم وجود أدلة كافية، رغم ان الطب الشرعي قال إن الطفل تم إغتصابة .
موضوع ياسين بقاله أكتر من سنه ونص، والأم بتجري وتخبط على كل الأبواب إن حد يساعدها ، لكن محدش كان بيستجيب، والقضية أخذت وقتها حفظ في النياية " يعني كأنها محصلتش"
الأم سنة، من الجري والانهيار، قدرت توصل للنائب العام، وكتر خيروا، فتح القضية تاني، وبعد فتحها، تم تحويلها للمحكمة،
يعني لو الام مكنتش وصلت للنائب العام، كان حق ابنها راح بسبب أشخاص متخاذلة …
المجد للأم، لان قسماً بربي ما كانت بتنام لحظة في بيتها، وكانت بتقف قدام مكاتب المسؤلين علشان تطلب حقك إبنها
المجد للمحامي الجدع الشاطر ، اللي ماسك القضية من الأول خالص، واللي رفض ياخذ جنيه، وقال أنا القضية دي على رقبتي، ومتنازل عن أتعابها..
المجد للسوشيال ميديا، اللي قدرت تقف في وش ناس كتيرة كانت عاوزة تتستر على حق طفل ملوش ذنب … !
كل شخص كان متخاذل لازم يتحاسب
#حق_ياسين_لازم_يرجع
حزب تكنوقراط مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.