تاجر المخدرات في مقطع الفيديو، في حوالي الثلاثين من عمره، ظهر يجلس على كنبة خشبية ويستعرض بضاعته من المخدرات وأمامه أموال كثيرة وأسلحة نارية.
وبدا تاجر المخدرات كلامه قائلا: "السلام عليكم وكل سنة وأنتم طيبين، في كلمتين عايز أقولهم ليكم لو محتاجين مصلحة حشيش، مصلحة أفيون، مصلحة بودرة، أنا تحت أمركم وأنا بعمل كدا عشان كورونا وربنا يخرجنا منها على خير"، متابعاً: "كل حاجة موجودة وبالكمية اللي أنت عايزها".
وقال: "البرشام والحشيش بيزود المناعة ويقضوا على فيروس كورونا اللي أصاب الملايين".
واضاف: "إحنا بنبيع مخدرات في بيوتنا بدل ما نسرق أو نقطع الطرق، وبنبيع عشان مرار كورونا"، مضيفاً أنه يستعين بالأسلحة النارية لحماية تجارته، ذاكراً رقم تليفونه المحمول للتواصل معه فى حالة رغبة البعض فى شراء مخدرات منه.
وقال: "لعلاج كورونا تاخد واحد تامول.. وسيجارة حشيش وتُمن بانجو، ولما يكون المكيفات والمخدرات أكتر، وكل حاجة معانا وبدل ما نسرق تبيع في بيتك وتقعد محترم والرزق على الله، وكل حاجة زي ما أنتوا شايفين، وإيه نعمل تاني للمرار ده".
وتناقلت بعض وسائل الإعلام اليوم الأربعاء 16 يونيو 2021 عن مصدر أمني قوله إنه جار فحص مقطع الفيديو الذي تداوله عدد من مستخدمي موقع "فيسبوك" لمواطن يروج لتجارة المخدرات.
أضاف المصدر أنَّه تم تكليف ضباط إدارتي الأمن العام والمخدرات ومباحث الإنترنت بالكشف عن هوية الشخص الذي ظهر في الفيديو وتحديد تاريخه، وتقديمه للنيابة العامة، إضافة إلى مخاطبة بعض مراكز الشرطة لتحديد مكان المقطع المصوَّر.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.