✅ تصريحات كامل الوزير غير دقيقة؛ إذ أقرّ، خلال تصريحات تليفزيونية عام 2021، بأنه وجّه سائقي القطارات إلى فصل نظام التحكم الآلي (ATC)، استجابةً لشكاوى المواطنين من تأخر القطارات آنذاك، وليس بسبب سوء الأحوال الجوية، كما ادعى أمام مجلس النواب. كذلك، ذكر في التصريحات ذاتها أنه طالب السائقين بالقيادة بسرعة تتراوح بين 40 و50 كيلومترًا في الساعة، وليس بسرعة 15 كيلومترًا في الساعة، كما ادعى أيضًا أمام المجلس.

 

الرابط

https://www.facebook.com/photo?fbid=1679619953528483&set=a.758562705634217&locale=ar_AR

❌❌ خلال جلسة مساءلة أمام مجلس النواب، يوم الثلاثاء 10 نوفمبر، أدعى وزير النقل، كامل الوزير، أن تصريحاته القديمة في عام 2021 بشأن تعليماته للسائقين بإيقاف نظام التحكم الآلي في القطارات (ATC) كانت استثنائية خلال موجة أمطار غزيرة أثرت على حركة القطارات وأدت إلى تحول الإشارات إلى اللون الأحمر نتيجة تأثر بعض مكونات منظومة التشغيل.

📌 كما أشار إلى أنه جرى التنسيق مع رئيس مجلس الوزراء آنذاك للسماح بالسير بسرعة لا تتجاوز 15 كيلومترا في الساعة، وفق إجراءات تشغيل استثنائية، مع إيقاف القطارات في المحطات الرئيسية بالمحافظات، حتى يتسنى نقل الركاب بوسائل بديلة حال تعذر استكمال الرحلات، بحسب ما نقلت عنه صحيفة "الشروق". [1]

✅ الحقائق:

✅ تصريحات كامل الوزير غير دقيقة؛ إذ أقرّ، خلال تصريحات تليفزيونية عام 2021، بأنه وجّه سائقي القطارات إلى فصل نظام التحكم الآلي (ATC)، استجابةً لشكاوى المواطنين من تأخر القطارات آنذاك، وليس بسبب سوء الأحوال الجوية، كما ادعى أمام مجلس النواب. كذلك، ذكر في التصريحات ذاتها أنه طالب السائقين بالقيادة بسرعة تتراوح بين 40 و50 كيلومترًا في الساعة، وليس بسرعة 15 كيلومترًا في الساعة، كما ادعى أيضًا أمام المجلس.

📌 وكان "الوزير" قد أدلى بهذه التصريحات خلال مداخلة مع عمرو أديب في برنامج "الحكاية" على قناة "إم بي سي مصر"، في 28 مارس 2021، بعد يومين من إحدى حوادث القطارات بمحافظة سوهاج. 

📌 وعادت تلك التصريحات إلى التداول مجددًا عقب صدور بيان النيابة العامة بشأن حادث تصادم قطارين بمنطقة العياط في محافظة الجيزة، والذي كشف أن قائد القطار رقم 134 عطّل النظام المسؤول عن الحد من الأخطاء البشرية المرتبطة بالسرعة وقواعد التشغيل "ATC". 

📌 وقال الوزير آنذاك ردا على سؤال عمرو أديب حول سبب عدم توقف القطار في حادث سوهاج رغم وجود نظام الـ ATC: "أنا مش ببرر له (السائق) موقفه ولكن بقول لحضرتك اللي حصل، لما حصل تأخير في القطارات والناس هاجت علينا ومش قادرين نوصل لشغلنا ومش قادرين نوصل للدكتور ومش عارفين نوصل للعيادة واتهاجمنا كتير واستحملنا، جينا قعدنا مع السواقين".

📌 وأضاف "قلنا لهم: يا إخوانا أنتوا دلوقتي، أنتم سواقين اللي إحنا مختارينهم لطريق الصعيد دول سواقين قدام، سواقين كبار، أنت عندك خبرة وعندك مهارة وتقدر تسوق القطار، المكان اللي فيه تصليحات وفيه تهديدات والـATC هيوقفك غصب عنك، افصلوه في الحتة دي، وامشي على سرعة من 40 لـ50 كيلو بدل 8 كيلو، وبرضه لو 40 50 هتلحق توقفه لو فيه حاجة، ولكن الـ ATC بيشغلك على 8 كيلو في الساعة، يعني هتوصل بكرة، مش هتوصل بقى النهارده ولا تأخير ساعتين تلاتة، هتوصل بكرة". 

📌 وتابع حديثه في معرض التبرير "طب أنت في الحتة دي امشي بقى استفيد بمهارتك وخبرتك، وامشي وبص قدامك لو حصل عارض قدامك زي اللي واقف على العربية واللي واقف على السكة ده وقف القطر، وفي الحتة اللي مطورة وفيها برج زي برج طهطا انتهينا منه، شغل الـATC واجري على الـATC زي ما أنت عايز، لو حصل عارض هيوقفك". 

📌 وأوضح حول سبب حادث قطار السوهاج أن السائق "كان فاصل الـATC في الحتة دي للأسف اللي هو فيها برج طهطا اللي السيمافور (برج الإشارة) فيها أصفر، وكان مفروض أول ما يلاقي السيمافور أصفر ينزل بالسرعة لـ60 كيلو، بعدها بـ400 متر 500 متر لقى السيمافور أحمر كان مفروض يقف تماما".

📌 لكن وخلال نفس المداخلة عاد كامل الوزير ليوضح أنه لن يستطيع العمل وفق هذا النهج "النهارده كان توجيه سيادة الرئيس واضح تماماً: هتقدر تشغل السكة بنفس الأسلوب (فصل الـATC) وما يحصلش حوادث تانية؟ قلت له: لا يا فندم. لو إحنا اشتغلنا بنفس الأسلوب، هيحصل حوادث، وأنا ما أقدرش أتحمل مسؤولية حادثة تانية، لا أنا ولا أي حد ولا الحكومة، لأن يعني إراقة الدماء ده صعب…".

📌 واختتم وزير النقل مداخلته: "بكرة الصبح كل الناس هتروح محطة السكة الحديد تركب هيلاقي فيه مواعيد القطارات الجديدة.. هيركب مطمن، بدل ما توصل بدري نص ساعة، تلت أربع ساعة، ساعة، ويبقى فيه مخاطرة عليك وعلى السواق اللي سايق وعلينا كلنا ويحصل حادثة تاني لا قدر الله، لا إحنا هنأخرك شوية، والشوية دول مش كتير..".