- خلال حديث الرئيس المتجدد عن التحديات والإنفاق لتبرير الفشل الاقتصادي والسياسي اللي بتعيشهم البلد خلال 10 سنوات من حكمه، صدر تصريح جديد من الرئيس بوعد جديد، لما قالنا إنه بعد "10 أو 15 سنة" البلد هتكون في حتة تانية.
- خلال حكم الرئيس عشنا مع سلسلة لا نهائية من الحتت التانية اللي وعد بيها الرئيس قبل كده، واللي على أساسها طلب من المصريين الصبر عليه بين 6 أشهر إلى سنتين، واللي كانت نتيجتها زي ما شايفين، فشل اقتصادي مستمر وتقتير وإمساك الإنفاق على حقوق المصريين الاقتصادية والاجتماعية.
- على سبيل المثال خفضت الحكومة الدعم عن العيش بشكل غير مباشر بخفض وزنه من 120 إلى 90 جرامًا، ثم بشكل مباشر برفع سعره من 5 إلى 20 قرش، مع محاولات التحايل والتنصل من مصروفات الدعم باستخدام الدعم النقدي.
- بينما في المقابل كان الرئيس وحكومته بيصرفوا ببزخ يقترب من السفه على رفاهيتهم الشخصية ما بين القصور والطائرات والمشروعات والشركات المملوكة لجهات سيادية ورجال أعمال مقربين منها.
- خلال 10 سنوات، صبر فيهم المصريين على المُر حرفيًا، كانت السمة هو اقتراض جنوني، وصل بالدين الخارجي لمصر إلى رقم تاريخي هو الأعلى 164.7 مليار دولار في 2023.
- في دولة أقساط وفوائد ديونها بتاكل ثلثي الاستخدامات في الموازنة العامة، بينما لا تنفق النسبة الدستورية على مجالات الصحة والتعليم بل وبتكون في انخفاض سنوي، دا مع انخفاض قيمة الجنيه لخمس قيمته في 2014.
- في المقابل الحكومة رفعت أسعار الخدمات والوقود بنسب ضخمة بتوصل لحوالي 1000٪ في أسعار وقود الفقراء اللي هو السولار على سبيل المثال، بنشوف أسعار الكهرباء زادت أكثر من 700%، تذاكر المترو زادت بما يصل إلى 1000%، ودا غيض من فيض خدمات أخرى زي الإنترنت والاتصالات وووإلخ.
- الزيادات دي كان صداها أكبر في أسعار المواد الغذائية والطبية وأساسيات حياة المصريين، اللي وصلت بـ 9.4 مليون مواطن للجوع الحرفي.
- طبعًا مش محتاجين نوضح إزاي الحياة السياسية في مصر تدهورت، يكفي نقول إنه هذا السيل من التصريحات الرئاسية الهيسترية، دافعها شيء واحد فقط هو محاولة التمسك بنفس المسار والرأي الواحد في مواجهة الرياح التحذيرية اللي بنشوفها في المنطقة.
- بعد كل هذا التخريب والفشل، "10 أو 15 سنة" يا ريس، تفتكر إيه الحتة التانية اللي هتودي البلد فيها؟!
الموقف المصري
الرابط
https://x.com/AlmasryAlmawkef/status/1870826754106962005
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.