بطون المصريين أولى من قصور الرئيس.. 9 مليون مصري ينامون جوعى يوميا
- يوم الأربعاء اللي فات، صدر تقرير منظمة الغذاء والزراعة التابعة للأمم المتحدة (الفاو) عن الأمن الغذائي وسوء التغذية في منطقة الشرق الأدنى وشمال أفريقيا.
- تعريف سوء التغذية هو إن الشخص مش بيحصل من الغذاء المتوفر ليه على السعرات الحرارية الكافية لنشاطه و احتياجاته الجسدية على مدى اليوم، وده معناه ببساطة هو أن الشخص ده مش بيشبع من الأكل، بيعاني من الجوع، أو مش بينام شبعان زي ما بنقول في مصر، لكن طبعا المؤشر مش بيتسمى مؤشر الجوع لأن وصف الجوع صعب قياسه علميا بخلاف الاحتياجات من السعرات الحرارية.
- نسبة من يعانون من الجوع أو سوء التغذية في مصر سنة 2002 كانت 4.8٪، زادت في أواخر عهد مبارك إلى 5.2٪ سنة 2011، وبعدين رجعت تاني زادت إلى 6.3٪ سنة 2016.
- التقرير بيقول إن النسبة دي وصلت السنة الي فاتت 8.5٪، بمعنى إن 9.4 مليون إنسان في مصر لا يجدون قوت يومهم أو حد الكفاف من الطعام يوميا.
- ده مش كل الناس الي بتعاني من الجوع، لأن التقرير بيميز بين الناس الي بتعاني من سوء التغذية، الي هو معناه إن الناس دي بآلهم فترة في وضع مزمن من نقص التغذية، والناس الي أحيانا بيلاقوا حد الكفاف وأحيانا مابيلاقهوش، ودول الي بيعانوا من الانعدام الحاد للأمن الغذائي، والتقرير بيسجل إن عددهم في مصر وصل إلى 11.5 مليون إنسان.
- أما شريحة الانعدام المعتدل الأمن الغذائي، والي معناه إن الناس دول بيلاقوا غالبا حد الكفاف، لكن بتمر عليهم أيام بدونه، فعددهم وفقا للتقرير بيصل إلى 33 مليون نسمة.
المصريون جوعى
- ببساطة التقرير بيقول إن مقولة إن محدش في مصر بينام من غير عشا هي كذبة كبيرة، لأن وفقا للتقرير، فنصف السكان تقريبا مهددين كل يوم إنهم يناموا من غير عشا.
- الأرقام الي خارجة في التقرير ده صادمة، صادمة لأنها مرعبة ومحزنة، لكنها مش مفاجئة، بمعنى إن عندنا فكرة عنها بالفعل، نظرا لأنها متماشية مع إحصاءات الفقر المتوفرة لدينا من المركزي للتعبئة والإحصاء.
- المركزي للتعبئة والإحصاء بيقول إن نسبة الفقراء في مصر تقريبا حاليا وصلت 35٪ (لسه الحكومة مخبية بحث الدخل والإنفاق علشان ماتوريناش أثر سياساتها الاقتصادية في السنين الي فاتت على نسبة الفقر الحقيقية في مصر)، وده معناه إن فيه بس 15٪ كمان هم على أعتاب الفقر لكنهم مهددين بيه وبيعانوا بالتالي من انعدام الأمن الغذائي.
- ده برده بيتماشى مع ملاحظة صندوق النقد الدولي العابرة في أحد تقاريره إن 60٪ من المصريين إما فقراء أو على وشك التحول إلى فقراء.
الموقف المصرى
الرابط
https://x.com/AlmasryAlmawkef/status/1870787222967848994
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.